R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
Overberg Bootklub het die naweek die laaste Wesliga kompetisie aangebied in pragtige weerstoestande.
‘n Rekord aantal bote het deelgeneem en ‘n totaal van 19 skippers het hulle bote en bemanning uitgeneem see toe.
Die dag het mooi begin en die see het stil vertoon van die kant af, maar op see was dit maar taamlik grondpad vir die hengelaars.
Die mis het ook ‘n groot rol gespeel en van die skippers moes in die mis wal toe wat net weer bewys dat ‘n GPS ‘n noodsaaklikheid en nie ‘n luukse is nie.
Hoewel die vangste deur die loop van die week swak was, het dinge Saterdag gedraai.
Die spesietal het tot agt geklim en daar het ‘n paar mooi vis aan wal gekom.
‘n Pragtige witsteenbras met ‘n massa van 8.58kg is deur Bryan Fitchat uitgetrek.
‘n Geelbek wat die skaal op 6.24kg getrek het, is deur Amanda van Staden kant toe gebring.
'n Rooisteenbras met ‘n massa van 4.3kg is deur M vd Westhuizen ingeweeg en C van der Merwe het ‘n mooi rooistompneus van 4.48kg aan die skaal gehang. Slegs twee snoeke is vir die dag uitgetrek en die alom bekende silwervis, hottentot, gurnett en ‘n verdwaalde kabeljou het deel uitgemaak van die dag se vangs.
