Donderdag se Sloegters is gewen deur Sextus Neethling (43), gevolg deur Daan Victor (41), George Hunt (38), Leon Lombard (37), Bev Swart (37), Etienne Engelbrecht (35), Elias Matthee (34) en Steve Muller (34).

Vrydag se 9-putjie kompetisie is gewen deur Lambert Smith met 18 punte.  Die komitee en lede bedank Chris van Rensburg van OK Foods vir die borgprys elke Vrydag. 

Dit word opreg waardeer.

Saterdag se Enkel Stableford kompetisie is gewen deur Johan Schneider (42), gevolg deur Sextus Neethling (41), Lieb Louw (40), Johan Coetzee (38), Wally van Coller (38), Leon Lombard (36), Bev Swart (36).  Naaste aan die penne was Richard Bentz op no 2 & 11, Daniël van der Merwe op no. 8 & 17 en Steve Muller op no 15.  Spog Twee’s word aangeteken deur Steve Muller (15), Jacques Nell (17) en Daniël van der Merwe (17).  Johan Schneider teken ‘n Arend aan op putjie no 1. (Foto volgende week)

Afslaantye:  Daar is besluit dat die afslaantye vanaf September vir Saterdae en Woensdae vanaf 09:00 – 11:00 sal wees.

Komitee:   Johan Pieterse (President), Jacques Nell (Kaptein), Daan Victor (Visie-Klubkaptein), addisionele lede Jakkie Beukes, Bev Swart, Gina Esterhuizen. George Hunt is gekoöpteer. Die baie gewilde Maandelikse Houespel, een van die mees gewilde kompetisies, word volgende Saterdag aangebied.

Die skoonvelde is gesny en die setperke is pragtig.

Die nuwe Boland Unie Senior Liga vir ouderdom 50 jaar en ouer, neem volgende Saterdag ‘n aanvang en word in die Paarl gespeel. Ons span is: George Hunt (Kaptein), Jacques Nell, Daan Victor, Bev Swart, Neil Harrison en Andre Roos.

Merk hierdie datum!  Op 1 Oktober word die Beeskraal Ope in die volgende afdelings gespeel:  Tollies, Bulle, Osse en Koeie.  Die formaat is ‘n Enkel Stableford en dit beloof om ‘n heerlike kompetisie te wees.  Kom deel in ‘n pragtige dag - daar is wonderlike pryse in elke afdeling.

Johan Coetzee

Zoom

Zoom