R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
Die bekende skrywer, Irna van Zyl en haar honde is ‘n bekende gesig op Pearly Beach se strande, wat van haar boek, Moordvis, asook die Engelse vertaling, Dead in the Water, se opbrengste aan Pearly Beach Bewarea Conservancy geskenk het.
Elrina Versfeld van die Bewarea sê hierdie speurverhaal is ‘n avontuur wat die leser deur die bekende landskappe vanaf Kaapstad na Caledon, Hemel-en-Aarde Vallei, Hermanus, Stanford en Gansbaai neem, asook na die fiktiewe kusdorpie, Grootbaai.
Die boek bevat vele verwysings na plaaslike plekke en bekende vrae in die omgewing, soos perlemoenstropery, die perlemoenbedryf, haaihokduik, bote, haaie en haaivinne, fynbos, melkhoutbome en die toerismebedryf. “Alles baie bekend hier in ons omgewing en daarom hou die spanningslyn ‘n mens se gedagtes heeltyd aan die gang,” het sy gesê. “Dis asof jy self deur die storielyn stap en die gebeure eerstehands ervaar – ‘n heerlike, moetlees boek vir elkeen van die omgewing.”
Irna het van die opbrengste van die Afrikaanse- en Engelse weergawes aan Pearly Beach Bewarea Conservancy geskenk, wat deur Pearly Beach Bewarea vir natuurbewaring in die Pearly Beach omgewing aangewend sal word.
