R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
Twee toeriste vanuit Maleisië se Suid-Afrikaanse besoek aan De Kelders, sal sekerlik oor geslagte heen oorvertel word, nadat hul gehuurde motor byna in die see beland het.
Die paartjie, wie se name onbekend is, het Sondagmiddag, 18 September 2016, by die walvisuitkykpunt in De Kelders stilgehou. Die man het gestap om te gaan foto’s neem, toe die vrou die motor se aansitter draai. Die motor was in eerste rat en het vorentoe, oor die wandelpaadjie geskiet. ‘n Bietoubos het gekeer dat die motor in die see beland. Die vrou was erg geskok, maar ongedeerd en het vertel dat sy gewoond is aan outomatiese motors teenoor die handratmodel wat hulle gehuur het.
Die motor is nie beskadig nie en is deur ‘n plaaslike insleepdiens uitgesleep. Dit was die paartjie se eerste dag in Suid-Afrika.
Hulle het die volgende dag ‘n haaiduikervaring op ‘n boot in Kleinbaai meegemaak, waarna hulle na Knysna vertrek het, waar hulle tot aan die einde van September sal deurbring.
