Die afsterwe van Keanen Myburgh (16), ‘n Graad 10 leerder van Overberg Hoërskool (Ovies) in Caledon, het groot hartseer tot gevolg gehad. Keanen se pa Toni, het hom  Saterdag, 10 September 2016 dood in die huisgesin se badkamer aangetref.   “Die skool het die daaropvolgende Maandag gereël dat ‘n berader  met die Gr 10 leerders oor hul gevoelens en verlies kan praat,” het mnr Eddie Labuschagne, skoolhoof, gesê. “In die voorportaal brand ‘n kers by Keanen se foto en vlae in die vierkant hang halfmas ter herinnering dat sy skoolbank nou leeg is.” Die Graad 10C leerders het enkele hartroerende afskeidsbriefies geskryf, waardeur Keanen se gewildheid as klasmaat beklemtoon is.  Hulle het ook in ‘n kring op die rugbyveld met geboë hoofde gaan sit – in stille nagedagtenis aan ‘n geliefde klasmaat wat deur die dood weggeneem is.

Keanen is Saterdag, 17 September 2016 vanuit die Anglikaanse Kerk in Caledon begrawe.

Zoom