Dokumentering van emosies

Eric Kim, een van die wêreld se uitstaande straatfotograwe, se definisie van straatfotografie is: “Street photography is documenting humanity.”

“Dit is die essensie van straat-fotografie,” het Robert Johnson, aanbieder van straatfotografie tydens Gansbaai Fotografieklub se byeenkoms op 19 September 2016 te Groeneweide Kwekery gesê.

“Vir steel-fotografie (candid photography) word geen vooraf goedkeuring benodig nie, maar vir straat-portretfotografie (street portraiture) moet goedkeuring gevra word alvorens ‘n foto geneem mag word,” het Robert gesê.

Redes vir belangstelling in straatfotografie, is heel eenvoudig, aangesien elke fotograaf sy/haar eie redes het: intense belangstelling in mense; die fotograaf word uit sy gemaksone gedwing; dit is avontuurgerig; dit gee die foto-graaf ‘n beter siening van die lewe rondom hom/haar.

Enkele punte wat vir straat-fotografie onthou moet word, is: die fotograaf is nie in beheer van die persoon nie; nie alle mense wil afgeneem word nie; wees vriendelik wanneer goedkeuring vir ‘n foto gevra word; moenie reageer op beledigings nie; vermy oogkontak.

Robert het ook nuttige wenke oor kameras en kameralense vir straatfotografie aan die lede verskaf, asook waarvoor fotograwe op die uitkyk moet wees. Hy het afgesluit met: “If the image has strong emotions, it reminds us of humanity.”

Zoom

Zoom