R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
Noodhulpkennis is nie net van uiterste belang vir mense nie, maar ook vir toepassing op troeteldiere.
Daarvan het die lywige kursushandleiding getuig tydens die opleiding van vrywilligers van Birkenhead Animal Rescue Centre (BARC). Die kursus is Maandag, 21 November 2016 in Gansbaai Toerisme se konferensiesaal aangebied.
Die entoesiastiese kursusgangers, wat elk ‘n sertifikaat ontvang het, is Sammy Thomson en Sheryll Steyn, asook Doulene Els van Gansbaai Toerisme. BARC se veldwagter, Nols Jonas het ook sy kennis verbreed en die kursus meegemaak.
Die kursus, Primary and Secondary Care for Dogs, is deur Annalie Jonker van BARC gereël en is deur Marius Coetzee, ‘n instrukteur van MJ First Aid Training, aangebied.
“Die kursus, The Canine First Course, is die enigste kursus wat deur die Emergency First Response (een van die grootste gesertifiseerde agentskappe in die wêreld wat opleiding in Noodhulp en CPR op diere aanbied) goedgekeur is,” het Annalie gesê. “Die twee vrywilligers wat die kursus deurloop het, is mense wat BARC se hokke gereeld besoek, help skoonmaak en met die honde gaan stap.”
In kort behels die kursus die volgende: Asemhalingspro-bleme, verstikking, ernstige bloeding, skok, gebreekte ledemate, rugbeserings en die behandeling van wonde.
Die sertifikate wat oorhandig is, is vir twee jaar geldig, waarna daar ‘n opvolgkursus aangebied sal word.
