R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
‘n Vrou wat na bewering nie seker was of sy haar minnaar vir dood of vir lewe agtergelaat het nie, het sy selfoonnommer geskakel kort nadat sy van die bebloede toneel af weggehardloop het. Die voorval het in die vroeë oggendure van 4 Desember 2016 op die plaas Remhoogte van Ben en Sarie Uys in die Baardskeerdersbosomgewing plaasgevind.
Jacolene Uys, die Uys-gesin se dogter, het tydens ‘n onderhoud met die Gansbaai Courant vertel dat hulle die Sondagoggend van die 4de Desember 2016 omstreeks 05:00 wakker gemaak is deur van hulle plaaswerkers. Die gesin het na die toneel gehaas. Bloedmerke en –spore vanaf die voorste trap van die huis tot by die bed van een van hul plaaswerkers, was die stille getuienis van ‘n tragiese voorval wat hom daar afgespeel het.
Die 49-jarige plaaswerker, Lundi Tshayinca (ook bekend as Patrick) is vermoedelik met ‘n mes bygekom en daarna aan weerskante van sy kop met ‘n byl gekap.
Dit blyk dat hy en sy vriendin stry gekry het en in ‘n struweling betrokke geraak het.
Die vriendin, Angelina Louw (31) het die afgelope sowat ses maande periodiek by hom op die plaas ingewoon.
‘n Werker by die melkery, Flip Pieters, vertel dat hy die oggend gesien het hoe Patrick op ‘n bank voor sy huis gesit het en kort daarna met moeite die huis binne gestrompel het.
Kort daarna het die vermeende aanvaller by die melkery ingestorm en ge-skree dat Patrick beseer is en dat ‘n ambulans ontbied moet word.
Die vrou het weggehardloop met ‘n rugsak vol kruideniersware op haar rug.
Met die gesin se aankoms het hulle die bebloede Patrick op sy bed aangetref met diep krapmerke aan albei kante van sy kop en gesig.
Hulle het dadelik die Provinsiale Ambulansdienste en Gansbaai SAPD in kennis gestel.
Patrick is in Hermanus Provinsiale Hospitaal gestabiliseer, waarna hy na Tygerberg Hospitaal oorgeplaas is. Hy is later die dag breindood verklaar.
‘n Geregtelike doodsondersoek (GDO) is gelas vir verdere ondersoek, wat later gewysig is na ‘n Klag van Moord.
Inligting het die plaaslike speurders na Masakhane gelei, waar sers Tsoanan Yana en konst Mpono, Louw dieselfde dag van die aanval gearresteer het.
Die verdagte het Woensdag, 7 Desember 2016 in die hof op Bredasdorp op ‘n klag van moord verskyn.
