R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
‘n Skrander leerder van Gansbaai Academia, Liewellyn Davids, wat verlede jaar in Graad 11 was, is vir ‘n tweede keer met Akademiese Kleure beloon vir sy harde werk. Die vorige keer was in Graad 8 en sy trotse ouers, Charles en Mirle Davids is daarvan oortuig dat hulle seun dit vanjaar in Graad 12 weer gaan regkry.
Liewellyn het 2016 in sy graad 11 jaar as top-kandidaat met 5 van sy 7 vakke diep in die 80% afgesluit.
Liewellyn se volgehoue harde werk het reeds in Desember 2016 as ‘n Graad 11-leerder vrugte afgewerp. Dosente van die Universiteit van Stellenbosch het hom besoek en toetse laat aflê. Hambly Matthews (voorligting sielkundige) en Lindsay-Michelle Meyer (Fakulteit Geneeskunde en Gesondheidswetenskap) van die universiteit het hom gekeur vir ‘n mediese studierigting in 2018 aan dié universiteit.
Charles sê die universiteit wil met hierdie optrede van hulle ‘n belangrike boodskap aan leerders oordra: Daar is voldoende geleentheid vir hardwerkende leerders wat bereid is om hulle beste op akademiese gebied te lewer.
