‘n Man vanaf Walvisbaai, Namibië, wie se naam nog nie bekend gemaak kan word alvorens familie hom nie uitgeken het nie, het Woensdagaand, 1 Februarie 2017 in Gansbaai hawe verdrink.

Hy was saam met ander Namibiërs in Gansbaai om aan bote te werk.

Die groepie het na bewering ná werk “te diep in die bottel gekyk”, wat later die aand tot die man se dood gelei het.

Hy het, voordat sy vriende die kroeg verlaat het, op sy eie na die betrokke boot gestap. Sy vriende het later gevolg.

By die boot aangekom, was hulle verbaas dat hy nie reeds daar is nie.

By nadere ondersoek het hulle sy plakkies in die water sien dryf en Gansbaai SAPD gekontak. Die man is as vermis aangegee en die speurders het ‘n duikspan ontbied wat Donderdag,  2 Februarie 2017 na die liggaam begin soek het.

Die oorledene se liggaam is onder die boot gekry waar hy vermoedelik vasgesit het nadat hy in die water geval het.

Zoom