R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
AfriForum se Overstrand tak het Saterdag 18 Februarie 2017 'n buurtwag in Gansbaai gestig.
“Die Overstrand area loop die afgelope paar maande gereeld deur onder insidente van georganiseerde misdaad, hoofsaaklik as gevolg van die dwelm- en perlemoen sindikate wat die misdaadtoneel hier oorgeneem het”, sê Thomas van Dalen, Afri-Forum se Wes-Kaapse koördineerder.
Die buurtwag stigting, wat deur 200 gemeenskapslede bygewoon is, is in die Gansbaai NG kerksaal gehou. “Die groot aantal mense wat die stigting bygewoon het, is 'n bewys daarvan dat die gemeenskap van die Overstrand, en in die besonder Gansbaai, keelvol is van die eskalasie van misdaad in ons area”, het Elmarie van Dalen, AfriForum se Overstrand tak voorsitter bygevoeg.
“Ons doelwit met die stig van die buurtwag, is om 'n verlengstuk, asook die oë en ore van die SAPD te wees. Ons is deeglik daarvan bewus dat die SAPD nie oor die nodige mannekrag en hulpbronne beskik om die misdaad in die Overstrand die hoof te bied nie”, het Mark Collings, die organiseerder van die buurtwag stigting afgesluit.
