R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
Dit is bekende woorde op die skietbaan, insluitend die voorafgaande vereiste en gepaste bevele deur die baanbeampte van Gansbaai Pistoolskietklub, Alec Kitley.
Saterdag, 18 Februarie 2017 het ‘n goeie klompie lede opgedaag vir hul gereelde skietoefeninge op die skietbaan agter Gansbaai Lions se klubsaal.
Pistole en moderne windbukse was aan die orde van die dag. Alec as baanbeampte en Andy Hammond as veiligheidsoffisier het die skuts met arendsoë dopgehou om almal se veiligheid te verseker.
Gansbaai Pistoolskietklub is op 10 Februarie 1994 gestig, met die veteraan, Alec Kitley, wat steeds ná sowat 23 jaar as voorsitter en baanbeampte dien.
Tans is daar sowat 50 klublede, waarvan sowat 20 aktiewe lede is.
Die Bestuur vir 2017 is: Alec Kitley (voorsitter en baanbeampte), Andy Hammond (ondervoorsitter en veiligheidsbeampte), Frans en Corinne (sekretaris) de Wet en Kathy Hammond (tesourier).
Bykomende bestuurslede is Steve Celliers, Adri Wessels, ds Stoney Steenkamp en Dirk Ackermann.
Die klub se oefentye onder die wakende oog van hulle ervare baanbeampte is elke Saterdagoggend vanaf 08:00 tot ongeveer 10:30 en kinders met windbukse is welkom.
Navrae om lidmaatskap kan aan die ondervoorsitter, Andy Hammond by 028-384-2062 gerig word, of skakel die voorsitter, Alec Kitley by 028-384-0335 of 083-379-2275.
