R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
Bob Dylan-aanhangers kon Maandagaand na die eerste van ‘n reeks programme op RSG luister.
Dit is die sesde van die Liedjieboerrumoer-reeks op RSG wat deur ons eie Anton Goosen aangebied word.
Goosen, self ‘n Suid-Afrikaanse legende op die gebied van ligte Afrikaanse musiek, bied ‘n program aan van luistergenot oor Bob Dylan van Hibbing, Minnesota, in Amerika, wat tot Nobelprys-wenner in Stockholm, Swede vereer is.
Goosen speel van sy eie opnames asook sommige van die meer as 485 kunstenaars wat van Dylan se werk opgeneem en uitgevoer het.
Die reeks van 13 episodes word in Anton se dikmuurhuis, wat uitkyk oor die Gansbaai-hawe, saamgestel, opgeneem en verpak.
Die uitsaaityd op RSG is Maandagaande tussen 100 en 104FM vanaf 21:20.
In ‘n onderhoud met Goosen, het hy Maandag-middag vertel van sy reise, lewe en liefde en terloops gesê: “Still better than working.”
Anton se reisprogram vir die res van die jaar, sluit optredes in op Plettenbergbaai, die Delwersfees op Christiana, Kirkwood se Wildsfees, Kleinmond en die Pietermaritzburgse Royal Skou.
Dit sou lekker wees om hierdie legendariese Afri-kaanse sanger meer op ons eie drumpel te sien optree.
