R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
Kreatiewe mense vanuit die gemeenskap is onlangs uitgenooi om deel te neem aan ‘n Lydenstyd- en Paaskunsuitstalling by die NG Gemeente. Die uitstalling is in die Pretorius-sysaal van die NG-gemeente aangebied.
“Ek glo dit is net die begin van iets wat net kan groei,” het dr Lisel Joubert, predikant van die NG-gemeente en inisieeder van die uitstalling, gesê. “Almal wat uitgestal het deel die verhaal van Christus se lyding en opstanding, maar kon op verskillende maniere die implikasies hiervan vir hulle eie lewe uitbeeld en so is andere weer geseën.”
Dr Lisel sê ‘n kerkhistorikus, Margaret Miles, het geskryf dat die Woord vlees geword het sodat ons weer die vlees woord kan maak. “Dit beteken om deur woorde, liedere, skilderye, houtwerk, naaldwerk en veel meer weer God se goedheid aan ander te kan wys.”
