R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
Saterdae se Bbos Plaasmark verg harde werk vir die uitstallers en die organiseerder, Betsie Flippers, sê hulle is so besig dat daar nie tyd is om mekaar beter te leer ken nie.
Dit is dié dat hulle besluit het om ‘n informele, gesellige kuieraand met die stalletjiehouers te reël sodat hulle nie net mekaar se gesigte sien wanneer hulle uitpak en oppak tydens markdae nie, maar die mense agter die produk ook leer ken.
“Die Bbos Plaasmark strewe daarna om kwaliteitprodukte en kontreikos vir uiteenlopende smake voor te berei,” vertel Betsie.
Sy lig graag ‘n klompie gereelde uitstallers uit:
Riaan Jacobs is die mark se kranige fotograaf wat uitstekende werk vir die groep verrig;
Alicia Kemp verkoop die lekkerste “hot smoked trout”, asook “cold smoke” en vispatee van vis wat uit die plaaslike damme in die omgewing kom.
Die Fourie-familie is 'n span wat uithaler gebak lewer - groot en klein pasteie en “vettertjies” van varkvet soos ouma dit gemaak het; Melktert en appelheuningtert is weer Andoline se spesialiteit.
Ove and Meridith, wat met 20 jaar se ondervinding in outydse gebak spog, lewer maandeliks talle verrassings op.
Estelle Paulsen het die wenresep vir die lekkerste Feta olyfsmeer kombinasies denkbaar.
Wintertyd is soptyd en Veronica du Plessis is die kundige met haar mossel- en kerriesop. Sy is ook die groep se gesondheidsdame met ‘n verskeidenheid van gesonde sappe, ingemaakte produkte en chemiesvrye vogrome.
Karen de Wet is bekend vir haar “rollmops” vispasteie en ander seekosgeregte, asook ingemaakte produkte.
Sharon en Frans sorg vir worsrolle, sosaties, ‘springrolls’ en ander gebak.
Ilze van Dyk is die “hamburger koningin”, met haar eggenoot, Greeve wat weet hoe om ‘n seekospot bymekaar te sit.
Diane Nortman se handwerk is gehekelde kunswerkies - van 'n deken tot by 'n Bethlehemster!
‘n Verskeidenheid disse van wildspasteie tot by skaapkoppe is weer die spesialisarea van Callie en Mariaan van die Strandveld Pub.
Die volgende Bbos Mark sal Saterdag, 27 Mei by Strandveld Pub in Baardskeerdersbos aangebied word.
