R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
Die 74-jarige Melvyn Knox is ‘n spontane musiekmaker.
Alhoewel hy ‘n hele klompie musiekinstrumente kan bespeel, is die harmonika sy gunsteling, omdat hy “ander sleutels het.”
Ons kuier aan tafel by Franskraal Rolbalklub, waar hy bydra tot die geselligheid van die aand met sy veelsydige ‘bekfluitjie’ - die harmonika.
Melvyn vertel dat musiek, sang en dans hom al in ver lande besorg het.
Hy het in Bloemfontein onder andere saam met wyle Gé Korsten opgetree en was in 1964 3 maande lank oorsee waar hy aan internasionale volkspelekompetisies deelgeneem het.
Hoewel hy eers op 47-jarige ouderdom en na 22 jaar se skeiding met sy buurmaatjie, Colleen getroud is, het sy al die jare na aan sy hart gelê.
Op hierdie stadium van die geselligheid kom neem sy vrou Colleen (neé Byrne) deel aan die gesprek.
Hulle vertel hoe hulle as kinders saam boom geklim het, ‘cowboys en crooks’ gespeel het en dat hy eintlik vir haar soos ‘n broer was. Melvyn se ma het Colleen as ‘Kaallenie’ aangespreek omdat sy altyd kortbroeke gedra het.
Toe die twee se paaie in 1990 weer kruis, is hulle getroud en woon reeds 13 jaar in Franskraal.
