R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
Sandri en Dirk Lourens van Perlemoenbaai, twee kranige varswaterhengel kampioene, was altwee deel van die Voorsittersliga wat vir die 4de agtereenvolgende jaar met die goue medalje tydens die Westelike Provinsie Varswater Hengelunie se jaarlikse prysuitdelingsfunksie op Saterdag, 10 Junie 2017 weggestap het.
Dirk en Sandri hengel vir die Boland Varswater Hengelklub wat vir die 5de agtereenvolgende jaar as die Top Klub in die Westelike Provinsie aangewys is.
Die Westelike Provinsiale spanne is ook tydens die prysuitdelingsfunksie aangekondig, nadat proewe op 3 en 4 Junie in buitengewone gure weer plaasgevind het, wat nie die Lourense afgeskrik het nie.
Hul twee laerskooldogters, Juandre en Zandre, is altwee in die o/13 Penkopspan opgeneem wat in Desember vanjaar in Bloemhof aan die Suid-Afrikaanse Provinsiale Kampioenskappe gaan deelneem.
Hierdie twee kranige jong hengelaartjies moet nie op hul baadjies getakseer word nie - hulle het ook al hul Westelike Provinsiale kleure verwerf.
Ma Sandri dien ook op die bestuur van die Penkopspan.
Dirk is in die Westelike Provinsiale Meestersspan opgeneem, wat in November in Bloemhof gaan deelneem. Sandri is ook in die Meestersspan as bestuurder opgeneem, asook in die Westelike Provinsiale Damesspan wat in Februarie 2018 ook in Bloemhof gaan deelneem.
‘n Besige tydjie wag dus op die kranige Lourens-varswaterhengelspan, veral met al die voorbereiding en oefening wat vir hulle wag.
