R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
‘n Man, vermoedelik van Mosselbaai, wat Saterdagmiddag probeer het om telefonies kontak te maak aangaande sy bootenjin wat probleme gee, se selfoonbattery het pap geword voordat hy sy ligging kon aandui.
Die 39-jarige man is na bewering op 29 Julie 2017 met ‘n kleinerige boot see toe en het nie teruggekeer nie. Met die koerant se ter perse gaan is hy steeds nie gevind nie.
Jacob Johannes Jansen van Vuuren (39), gebore in Mosselbaai, het vermoedelik in die omgewing van Dangerpoint probleme opgedoen.
NCRI (National Sea Rescue Institute) van Hermanus het ‘n soektog na die vermiste man geloods, maar kon geen spoor van hom of sy boot vind nie. NCRI het die volgende dag, Sondag, weer met die soektog voortgegaan, maar was weer onsuksesvol.
SpSers Bergstedt van Gansbaai SAPD se Speurtak sê die ondersoek na die voorval duur voort. Die polisie probeer vasstel presies waar die boot gelanseer is. Enigiemand wat inligting aangaande die aangeleentheid kan verskaf, kan SpSers Bergstedt skakel by 028 384 0201.
