R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
Patrollielede van Franskraal Buurtwag het pas opleiding ontvang soos voorgeskryf deur die Wes-Kaapse Departement van Gemeenskapsveiligheid.
Die opleidingsessie het op 15 en 16 Augustus 2017 in die buurtwag se beheerlokaal plaasgevind.
“Die kursusaanbieder, Clifton Swartz, het die 22 patrollielede, wat hul dae en nagte opoffer om Franskraal ‘n veiliger omgewing te maak, met verskeie veiligheidsaspekte tydens die kursus toegerus,” sê Annaleen Genade, sekretaresse van die buurtwag.
Sake soos sekuriteitspunte en probleemoplossings is breedvoerig bespreek. Clifton het die lede ook aangespoor om positief te bly en om goeie kommunikasie tussen die Wes-Kaapse Departement van Gemeenskapsveiligheid, Gansbaai Polisiëringsforum (GPF) en Gansbaai SAPD te handhaaf.
Die kursus is Maandag, 21 Augustus met ‘n spanbou “Dinkskrum” opgevolg.
Tydens die spanbou-byeenkoms is Franskraal se probleemareas uitgelig en moontlike oplossings is bespreek om uitvoering daaraan te kan gee.
Annaleen sê Franskraal Buurtwag se bestuur is baie dankbaar teenoor alle inwoners wat hulle ondersteun en het gemeld dat die ledetal steeds aan die styg is.
Belangstellende inwoners wat deel van Franskraal Buurtwag wil wees, kan die voorsitter, Willem van der Merwe, skakel by 083 791 8497.
Franskraal Buurtwag se beheerkamer kan op die hoek van Ross- en Loopstraat, Franskraalstrand besoek word.
