‘n Nuwe intrekker in Franskraal ly aan skok nadat sy ‘n inbreker betrap het wat reeds halflyf deur hulle dubbelverdiepinghuis se bad-kamervenster op die eerste verdieping geklim het. Die bejaarde mev Richards vertel dat sy omstreeks 03:00 die oggend wakker geword het van ‘n harde geluid by die badkamer.

‘n Vermeende inbreker het laat spaander toe hy betrap is, en met sy eie leer onder die arm straat af gehardloop het.

Hy het die leer  op ‘n bakkie gelaai wat daar naby ge-parkeer was waarna die boosdoeners weggejaag het.

‘n Erg getraumatiseerde mev Richards het Gansbaai Cou-rant met die inligting ge-skakel om  ander inwoners te waarsku oor veiligheids-maatreëls wat in plek moet wees. “Inwoners moet nie gerus raak en dink ons bly in ‘n rustige dorp nie - dit is nie die geval nie en almal moet te alle tye op hulle hoede vir enige gebeurlikheid wees,” het sy gesê.

Zoom