R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
As deel van die Funky Fynbos Fees bied BARC (Birkenhead Animal Rescue Centre) hulle jaarlikse potjiekoskompetisie op 23 September aan - ‘n dag voor Nasionale Braaidag.
Dit beloof weer eens ‘n gesellige kuiergeleentheid by Sea View Sports Bar se biertuin te wees met ‘n sanger wat van 13:00 af optree en geskenkpakke wat deurentyd deur feesgangers gewen kan word.
Die potjiekoskompetisie begin reeds om 10:00 en eindig om 16:00.
Spanne kan self besluit wat hulle gaan gaarmaak en uit hoeveel spanlede hulle gaan bestaan.
Wanneer die potte teen 16:00 gereed is, kan feesgangers heerlike potjiekos koop ten bate van BARC.
Die inskrywingsfooi vir die potjiekoskompetisie beloop R200 per span, ten bate van dié diere-organisasie.
Annelie Jonker van BARC sê dat daar lootjies verkoop sal word vir geskenkpakke wat deur besoekers gewen kan word.
Enigiemand wat aan die prettigheid wil deelneem kan met Nols Jonas skakel by 083 742 3903.
