R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
3 leerders van Gansbaai Academia, wat ook volwaardige lede is van Franskraal Rolbalklub is die afgelope naweek gekies om vir die Overstrand Rolbalstreek aan die Envar Buys toernooi in Beaufort-Wes deel te neem.
Hulle is Jonathan-Lee Davids, Ralph-Vino Richter en Lorenzo Geldenhuys.
Die jaarlikse Envar Buys toernooi vind op 30 September en 9 Oktober plaas. Die ander streke wat deelneem is Wynland, Weskus, Westelike Provinsie, Edenstreek en Sentraal Karoo.
Keuring
Die keuring om in die streekspan opgeneem te word, het die afgelope naweek tydens die Overstrand Rolbalstreek proewe vir o/15 en o/20 spelers in Swellendam plaasgevind.
Spanne wat daar deelgeneem het is afkomstig van Gansbaai, Caledon, Bredasdorp, Swellendam en Barrydale.
Die Gansbaai-span se afrigter, Archie Chambers van Franskraal Rolbalklub is baie tevrede met hierdie jong spelers. Akisha Johannes was die vierde en enigste damespanlid.
Spelers is in 3 oefengroepe opgedeel wat elk 10 koppe gespeel het. Spel is deurentyd beoordeel om die Overstrand-span saam te stel.
Die leerders van Gansbaai Academia het sowat ‘n jaar gelede aan die spel begin deelneem.
Klubkampioenskappe
Franskraal Rolbalklub bied gedurende September hul klubkampioenskappe aan en die publiek is welkom om spelers te ondersteun.
Spel vind Dinsdae, Woensdae en sommige Saterdae vanaf 09:00 plaas.
Vriendskaplik
‘n Vriendskaplike wedstryd teen Plumstead vind Saterdag, 16 September op die plaaslike bane plaas. Belangstellendes is welkom om dit by te woon vanaf 09:00.
Walvis Classic
Die volgende groot toernooi, die Walvis Classic word Vrydag 1 en 2 Desember gespeel.
24 spanne word verwag en 3 wedstryde met 15 koppe per dag word oor die 2 dae gespeel.
Sosiale spel
Belangstellendes is welkom om deel te neem aan die sosiale spel wat Dinsdae, Woensdae en Saterdae gespeel word.
