R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
Gansbaai Pistoolskietklub se nuutverkose uitvoerende komitee is slaggereed, of te wel skietgereed vir die nuwe termyn.
Tydens die klub se Algemene Jaarvergadering op Dinsdag, 5 September 2017, is 2016 se uitvoerende komitee onbestrede herkies: Alec Kitley (voorsitter en baanbeampte), Andy Ham-mond (visie-voorsitter), Corinne de Wet (sekretaris), Kathy Hammond (tesourier) en Adri Wessels (visie-sekretaris/tesourier).
Addisionele lede is Frans de Wet, George Bredenhann en Steve Cilliers.
Die enigste nuweling as lid van die komitee, is Christo van Rensburg.
In sy voorsittersverslag het Alec Kitley onder andere na ‘n bedrywige jaar verwys en enkele sake van belang uitgelig.
Gansbaai Pistoolklub is op 10 Februarie 1994 gestig, met veteraan Alec Kitley wat sedertdien, vir die afgelope 23+ jaar, as voorsitter en baanbeampte dien.
Die enigste ander oorblywende stigterslid is Stoney Steenkamp wat tans ‘n erelid is.
Tans is daar 44 lede in die klub, waarvan 16 (!) dameslede is.
Belangstellendes in Gansbaai Pistoolskietklub kan inskrywingsvorms en relevante inligting by Gansbaai Toerisme bekom, asook tydens Saterdae se skietoefeninge.
Die klubhuis en skietbaan is aan die einde van Rietstraat (oorkant Gansbaai SAPD) agter Gansbaai Lionsklub se klubhuis geleë.
Oefentye is elke Saterdagoggend vanaf 08:30 tot ongeveer 10:30 en kinders met windbukse is eweneens welkom.
