Die wyse woorde oor straatfotografie, “street photography is documenting humanity”, is deur die wêreldbekende straatfotograaf, Eric Kim, kwytgeraak.

Straatfotografie was die tema van Gansbaai Fotografieklub se byeenkoms wat Maandag, 4 September 2017 in Groeneweide Restaurant gehou is.

Twee van die klub se staatmakers, Marc en Veronica (voorsitter) du Plessis, het self die opleidingsessie aangebied.

 ‘Mens’-fotografie

 Marc het op die kuns om mense af te neem (people photography) tydens sy deel van die opleidingsessie gefokus.

“Moenie te veel wonder wat straatfotografie is of nie is nie,” het hy gesê. “Die belangrikste aspekte is ‘n sterk skeppende inslag (creating powerful), ‘n dwingende inslag (compelling) en emosionele foto’s (emotional images).”

Foto’s moet ook met ‘n perfekte en vinnige tydsbereking geneem word om suksesvol te kan wees.    

Straatfotografie 

Veronica se aanbieding van straatfotografie het die belangrikheid om  in mense belang te stel, beklemtoon.

“Eric Kim het gesê: ‘Street photography is documenting humanity’”, het Veronica gesê.

Sy het ook daarna verwys dat elke fotograaf sy/haar eie redes het waarom hulle in straatfotografie belangstel.

“Onder andere dwing dit die fotograaf uit sy gemaksone, dit is avontuurlik en dit bied ‘n beter uitkyk op die lewe rondom jou.”

Die belangrikheid van steelfotografie (candid camera) teenoor straatfotografie is ook deur haar beklemtoon, waar toestemming in die eerste geval nie gevra word nie, maar wel in die tweede geval, indien nodig.

Zoom