R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
Leerders van Gansbaai Primêr kan trots voel op hul onderskeie deelnames aan die onlangse Eisteddfod byeenkomste wat plaasgevind het. Zubeida Loff se 15 leerders het in die Engelse Voordrag-item het ‘n Cum Laude, 7 Goud-, 6 Silwer- en 1 Eervolle Vermelding te Laerskool Gansbaai op 12 Augustus 2015 ingepalm.
Die Cum Laude is aan Triston Snyders toegeken. Die skool se gewilde Marimba Orkes onder leiding van Deon du Toit het ‘n Cum Laude ingepalm. Hulle het tweede uit sewe orkeste geëindig tydens die Eisteddfod van 8 Augustus 2015 te Laerskool Okkie Smuts in Stanford waaraan 10 van die orkeslede deelgeneem het.
Die skool se knap skoolkoor met sy 54 lede onder leiding van Ellen Dunsdon het op 11 Augustus 2015 se Eisteddfod te Bredasdorp ‘n 78% Silwertoekenning met hulle drie liedere ontvang.
“Ons is baie trots op hierdie leerders wat Gansbaai Primêr se naam so hoog gehou het,” het die skoolhoof, Tommy Volkwyn gesê. “Baie geluk aan julle vir hierdie pragtige prestasies.”
Hardus Botha
