Soos met die vorige boothengelkompetisie, het sommige hengelaars tydens die Birkenhead Boothengelklub op Saterdag, 5 September 2015 goeie vangstes gehad, terwyl dit met andere minder goed gegaan het. 6 bote het ingeskryf en ingeweeg, met ‘n totale bemanning van 22 wat deelgeneem het, waarby 3 juniors (een ‘n dametjie - Kara Engelke) ingesluit was. 11 verskillende spesies is ingeweeg en die totale aantal vis was 116 met 'n totale massa van 142.64kg, wat ‘n gemiddeld van 6.48kg per hengelaar beteken. Volledige uitslae is soos volg: swaarste vis, Lambert de Wet (Snoek - 4.05kg); 2de swaarste vis, Kobus de Kock (Snoek - 3.95kg); swaarste sak (18.09kg), Kobus de Kock; 2de swaarste sak (15kg), Lambert de Wet; swaarste bootgemiddeld (10.05kg), Topless van Lambert de Wet; 2de swaarste bootgemiddeld (8.85kg), Nu-Nu van Johan Burmeister; Junior Swaarste sak (4.15kg), Kara Engelke. Die 1ste 3 voorlopers in die onderskeie kategorieë is: Bootkampioene - Nu-Nu van Johan Burmeister (47.88kg), Relêks 2 van Jean Downing (34.24kg), Oupa van Ben Uys (31.52kg); Mans Visvangkampioene - Philip Fourie (49.15kg), Johan Burmeister (49.0kg), Jean Downing (40.20kg); Dame Visvangkampioen - Dixie Walsh (17.8kg); Junior Visvangkampioene - JP Uys (33.45kg), Hennie Groenewald (24.85kg). Die volgende boothengelkompetisie is vir Saterdag, 3 Oktober 2015 geskeduleer, wat terselfdertyd die gewilde King of the Bay Kampioenskap gaan wees. Klubnavrae en funksie-besprekings kan aan Philip Fourie, voorsitter, by 082-747-3634 gerig word, met kompetisie-navrae aan Johan Burmeister by 082-895-7647.

Hardus Botha

Zoom

Zoom