Tydens die WP Skietkampioenskappe het Johan van der Mescht van Franskraal uitstekend presteer. Hy het aan 8 items deelgeneem, naamlik 6 geweer-items en 2 pistool-items - met al 8 items wat vanuit ‘n staande posissie geskiet is. Die kompetisie het oor ‘n tydperk van 3 dae plaasgevind.

“Hoewel die wind die toestande vir skiet baie bemoeilik het, is daar uitstekende tellings geskiet,” sê Johan. “Elke item behels die skiet na 40 teikens op verskillende afstande.”

Johan se uitslae is soos volg: die 4-geweer teleskoop-afdeling - 3 tweede plekke en 1 eerste plek, asook ‘n algehele tweede plek in die groot totaal; die 2-geweer oopvisier-afdeling - 2 eerste plekke, asook die algehele eerste plek in die groot totaal; met die gekombineerde tellings van die 2-geweer teleskoop- en oopvisier-afdelings - ‘n algehele eerste plek.

Wat hierdie uitslae besonders maak, is die feit dat Johan tydens al die items met dieselfde geweer geskiet het. In die 2 pistool-items waaraan hy deelgeneem het, het hy onderskeidelik ‘n eerste- en ‘n derde plek behaal. Johan kwalifiseer nou om aan die Nasionale Proewe deel te neem, met die oog op die Wêreld Kampioenskappe in 2016.

Zoom