Gerhard Esterhuizen (32) is Donderdagoggend om 11:00 tydens 'n besigheidsroof by Die Hoenerhok, 'n tweedehandse winkel in Barnardstraat, met 'n mes gesteek.

Esterhuizen was agter in die winkel besig met 'n voorraadopname toe hy 'n man en vrou voor in die winkel hoor praat. Hy het 'n blanke man halfpad na die voorkant teëgekom. Die man het gesê: "Ek soek die geld." Esterhuizen het vir hom gesê dat daar geen geld op die perseel is nie. Die man het geantwoord:  "Ek weet hier is geld, ek speel nie."  Esterhuizen het hom toe sy selfoon aangebied, maar het skielik 'n hou bo-op sy linkerbors gevoel. Die aanvaller het weggehardloop en toe Esterhuizen hom volg het hy bewus geword dat sy bors warm en nat gevoel het. Hy het toe eers besef dat hy in die bors en skrams in die maag gesteek is.  Die verdagte was 'n skraal blanke man met 'n blou-oog en stukkende onderlip wat hy moontlik vroeër in 'n vuisgeveg gekry het. Hy het 'n rooi bofbalkep en donkerblou windbrekerbaadjie gedra.

Die polisie onder-soek tans of daar 'n verband is tussen dié voorval en 'n in-braak in September vanjaar by De Kel-ders. 'n Bruinvrou van Stanford is reeds geïdentifiseer en die saak word verder ondersoek.

Volgens Speur-kaptein Danie Rau-tenbach was daar die afgelope maand 'n paar inbrake in De Kelders.

Dit kan baie keer toegeskryf word aan nalatigheid, aangesien vensters of deure oopgelaat word. Hy doen 'n beroep op inwoners om op die uitkyk te wees vir verdagtes en meer veiligheidsbewus te wees.

Esterhuizen is reeds twee keer hierdie jaar in rooftogte betrokke nadat hy ook einde Maart in Hoofweg, De Kelders deur twee rowers in sy woonstel oorval is. Hy het kort daarna na Franskraal verhuis waar hy twee dae later weer onder inbrekers deurgeloop het toe daar by sy huis ingebreek is en waardevolle artikels gesteel is.

Francois de Jongh

Zoom