R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
Vrydag 22 Januarie het die drie interhuisspanne van Academia mekaar die stryd aangesê. Die Goud-, Swart- en Maroonspanne het reeds vroegdag gees gevang. Vanjaar was ook ‘n massadeelname wat die vorige jare oortref. Die Goudspan het met 11 punte voor die Maroonspan gewen.
Die personeel het ook deelgeneem in die 60m kortafstand.
Me Chery Potberg het die dames naelloop gewen en mnr Bjorn Zeeman die mans afdeling.
Die Vixtor Lodorum is vanjaar GeortrinWildschut en Victrix Lodorum was Itania Hendreck. Altwee leerders het aan die meeste items deelgeneem en ook die meeste eerste plekke verower.
Op Saterdag 6 Februarie sal die atletiekspan in ‘n driehoeksbyeenkoms deelneem teen Swartberg Sekondêr en Albert Myburgh. Die byeenkoms sal op die Gansbaai Sportvelde plaasvind. Die hekke open om 08:00 en die byeenkoms begin amptelik om 08:30. Volwassenes betaal R5,00 en leerders in skooluniform kan gratis toegang kry. Daar sal ‘n snoepie beskikbaar wees vir ‘n lekker eetdingetjie en drinkgoed.
Liezel Mostert
