“My belangrikste gelukwensings-boodskap aan julle is om eerstens volle verantwoordelikheid vir die instandhouding van julle wonings te aanvaar, want julle wag al jare daarvoor, maar tweedens moet ek ook die uiterste belangrikheid vir die opstel van ‘n testament onder julle aandag bring,” het Overstrandse Uitvoerende Burgemeester, Raadsdame Nicolette Botha-Guthrie gesê. Dit was tydens die amptelike oorhandiging van 45 Transportaktes (Kaart & Transport) aan ‘n groep trotse nuwe huiseienaars.

Sy het ook gesê alleenlik spanwerk kan sukses verseker en onder andere na Aron Gcotyelwa en Melanie Greyling en hul span verwys. “Hierdie span het gesorg dat 45 Transportaktes vanaand oorhandig kon word, met nog 75 wat tans by die prokureurs is,” het sy gesê. “En nou kan julle vol selfvertroue bank toe gaan vir ‘n lening - met ‘n Transportakte in die hand.” Die trotse huiseienaars bestaan uit gemeenskapslede vanuit Gansbaai, Blompark en Masakhane. Enkele raadslede, onder andere Riana de Coning en Moira Opperman, asook mnr Kat Myburgh, Areabestuurder van die Overstrandse Munisipaliteit se Gansbaai Administrasie, het die oorhandigingsgeleentheid bygewoon. Raadsdame Botha-Guthrie het daarna verwys dat hierdie oorhandiging van Transportaktes deel vorm van die DA-beheerde Overstrandse Munisipaliteit se globale verantwoordelikheid ten opsigte van dienslewering aan alle gemeenskappe.

Hardus Botha

Zoom

Zoom

Zoom