Met die buitengewone stormwind wat Gansbaai en omgewing op Vrydag, 22 April 2016 beleef het, is daar heelwat skade aangerig. Een woning wat onder die stormwind deurgeloop het en deur Jannie Botha onder Gansbaai Courant se aandag gebring is, is John Burke van Bellville se vakansiewoning in Kusweg, Perlemoenbaai. Die huis het ‘n pragtige en groot aluminium louver terugskuifbare-afdak oor die voorstoep aan die see se kant. Die afdak is met brute geweld afgeruk en regoor die huis se dak “geslinger”, waar dit in die agterplaas te lande gekom het. Gedeeltes daarvan het onder ander ‘n deel van die betonmuur stukkend geval. “My versekeraars is nog besig met hulle ondersoek, maar ek skat die skade op sowat R120,000, aangesien die afdak sowat 3-4 jaar gelede R75,000 gekos het,” het John telefonies gesê.

Hardus Botha

Zoom