R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
‘n Rubberboot van ‘n inwoner van De Kelders is met enjins en sleepwa en al gesteel, maar Adj.Off. Grové sê arrestasies is binne die bestek van twee dae gedoen.
“’n Rubberboot sonder enjins en ‘n sleepwa sonder wiele is op Dinsdag, 21 Junie 2016 op ‘n plaas naby De Kelders gekry,” vertel Adj.Off. Grové. “Die boot is polisiestasie toe gebring en inligting wat ons bekom het, het ons na Gordonsbaai gelei.” Die boot se enjins en die sleepwawiele is by ‘n boothandelaar gevind, waar dit uitgeken is en beslag is op die gesteelde goedere gelê.
‘n Verdagte, Nolan Galant (32) van Hawston is in Mount Pleasant gearresteer en het vandag, Donderdag, 30 Junie 2016 in die Hermanushof verskyn. ‘n Advertensie op Gumtree is vir die gesteelde enjins geplaas, wat ook in die ondersoek gehelp het, maar Adj.Off. Grové sê hulle het inligting oor die gesteelde goedere ontvang alvorens die advertensie geplaas is.
Vir die aanmelding van misdade kan Gansbaai SAPD by 028-384-0201 geskakel word, asook die speurafdeling by 079-893-9972.
