Oorhandiging van blyke van waardering, met agter vlnr Ans Scholtz en Helmie de Vries en voor vlnr Tamlyne Aploon, Chamonique Sauls en Annica van Coller
Helmie de Vries, voorsitter: Gansbaai Wynproegilde, het dit weer eens met ‘n “Blinde Wynproe-aand” reggekry om lede en gaste in verbasing te dompel met heerlike wyne teen bekostigbare pryse en wat sommer hier op almal se drumpel beskikbaar is.
Die wynproe-geleentheid is deur Helmie self in die Great White House, Kleinbaai aangebied. 14 wyne, waarvan die bottels met bruinpapier toegedraai is, is geproe en goeie puntetoekennings is daarvoor gemaak - soortgelyk aan duur wyne van wynkelders wat al hier geproe en beoordeel is. Die proe-wyne het bestaan uit 3 sjerries (R28.50 tot R73.00), 4 witwyne (R22.50 tot R30), 4 rooiwyne (R22.50 tot R35.50) en 3 soetwyne (Hanepoot R46.00, Muskadel R49.00 en Port R47.00) - heel bekostigbare pryse en almal lokaal beskikbaar.
Een van die wyne wat “blind” geproe is, is die Koelenhoffer, ‘n Saugvignon Blanc teen R30 per bottel van Koelenhof Wynkelder, waar Helmie die bestuurder/wynmaker was en nou deur twee van sy bekwame seuns bedryf word, is in die “Best Value Wine Guide - 2014” as “The best South African Saugvignon Blanc under R80” aangewys. “Vir die interessantheid daarvan, kan ek net noem dat die Monis Sherry nie ‘n oesjaar, soos die geval met wyne, het nie, aangesien die Solera sisteem waarvolgens dit gemaak word, oor etlike jare heen strek,” het Helmie gesê.
Hy het ook genoem dat ‘n opname getoon het dat dames die grootste aankopers van wyn is. Rensa Stemmet van die Great White House se spyskaart was net die regte medisyne saam met die vele geproeëry: Voorgereg - Fish Chowder Soup & Vars Brood; Hoofgereg - Meatball met sous op mash potato en groente; Nagereg - Vlakoek & Roomys.
Vir navrae rakende Gansbaai Wynproegilde kan Helmie by 028-388-0708 of 082-577-6920 geskakel word, of stuur 'n e-pos aan hom by info@franskraalbandb.co.za.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
