Die groot groep Kleinbaai Classic lede van die Kaap voor Herberg-aan-See, met Andre Botma in die middel op sy rolstoel
“Die jaarlikse Kleinbaai Classic Hengelkompetisie en fondsinsameling vir 2013 was weer eens ‘n reuse sukses wat groot hoogtes bereik het,” sê Carel Stander, Komiteelid van die Kleinbaai Classic se Omgeegroep. Dit is nou reeds die 5de jaar wat hierdie projek deur hulle aangepak word. Die jaarlikse doel daarmee was nog altyd om fondse vir Andre Botma (21) se groeiende mediese uitgawes in te samel. Andre is op 5-jarige ouderdom met spierdistrofie gedagnioseer en die familie en vriende het 5 jaar gelede besluit om ‘n hengelkompetsie te organiseer om sodoende fondse vir Andre se mediese behoeftes in te samel. “Die kompetisie het van krag tot krag gegroei en spog vanjaar met 110 hengelaars wat deelgeneem het,” sê Carel. Die gure weersomstandighede het die boothengelaars ook na hulle stokke laat gryp en “ou hengelgate” is opgesoek.
Eugene van Niekerk het vanjaar met die Kleinbaai Classic louere weggestap met sy Mosselkraker van ± 7kg
Etlike galjoene is ingeweeg, maar Eugene van Niekerk het vanjaar met die Kleinbaai Classic louere weggestap met sy Mosselkraker van net oor die 7kg. Vrydagaand is daar gesellig in die Gholfklubsaal met lekker heupswaai-musiek deur Warren Elliot verkeer en Saterdagaand is die wenners aangekondig. ‘n Veiling is met gesogte wyne, 100 liter vaatjies rooiwyn van Signal Gun (Durbanille), ‘n Magnum rooiwyn met die 2005 Springbokspan se handtekeninge daarop en veel meer is gehou.
Pryse aan die kategorie-wenners het ‘n kragopwekker, visstokke en katrolle, heel skape en geskenkbewyse vir ‘n naweek by Khomeesdrift kampeerterrein ingesluit. Sondag is die naweek met ‘n besoek deur die komitee aan Herberg-aan-See Tehuis vir Bejaardes afgesluit. “Ons het verlede jaar besluit om die doelwit van die Kleinbaai Classic ook na ander instansies uit te brei,” sê Carel. Onder andere is ‘n hospitaalbed verlede jaar aan KANSA Ladismith geskenk, terwyl die plaaslike Tehuis vir Bejaardes met heerlike koeke verras is. Vanjaar is Herberg-aan-See weer eens besoek en koeke, asook 54 geskenkpakkies is aan die inwoners uitgedeel en liefdevolle aandag is aan die inwoners gegee.
Daarna het ‘n deel van die groep ook by Silwerjare Dienssentrum en Oak Grove Nasorgsentrum gaan koek uitdeel en gesellig met die bejaardes verkeer. “Kleinbaai Classic lê ná aan die hart van baie mense en ons wil graag almal wat deel daarvan was hartlik bedank vir hul tyd en bydraes,” sê Carel. Hy rig ‘n spesiale woord van dank aan hulle hoofborge AM Welding (Kaap), Riversdal Toyota, FCS Civils, Mayfair Gearbox Nationwide, Brighton Exhaust & Tyres en Bidvest Laundy Group. “Graag bedank ons ook die eienaars van Gansbaai Superspar en Bev Swart vir hulle bydraes.” Carel sê hulle sal graag voortaan meer van die plaaslike instansies en hengelaars van Gansbaai by hierdie inisiatief wil betrek en “hopelik kan ons volgende jaar nog baie Gansbaaiers se name by hierdie lys byvoeg!”
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
