Carine Badenhorst (links), rubriekskrywer van Suikerbrood en Suurvye in die Gansbaai Courant, is op 30 September vanjaar weer met ‘n Woes Toekenning vereer. Hierdie keer vir haar “Hoe lank hou die Lente?”
Gansbaai Courant se redakteur, Francois de Jongh het in ‘n vorige uitgawe (Gansbaai Courant, Donderdag, 11 Julie 2013) soos volg na Carine verwys: “Ons lesers is bevoorreg om weekliks haar hoë standaard rubriek te lees.” Carine het gesê Woes is ‘n skrywersgemeenskap waar jy kan vriende maak en saamgesels oor die rondgooi van woorde. “Ek verkies Woes omdat dit ‘n skoon platform is en ek is al sowat 6 jaar ‘n Woestyner.”
Carine sê die geskrewe woord lê haar na aan die hart en geen prentjiebeeld kan kers vashou by die prentjie wat mens in jou verbeelding vorm wanneer jy lees nie. “Hoe lank hou die Lente” se inleidende paragraaf lui soos volg: “Hier en daar breek ‘n stukkie blousel deur die lae, grou wolke op Lentedag. Deur my kamervenster kom skuur die son skaamweg wang met die opgestopte deken oor my bed. Met die beskeidenheid van ‘n jongnooi voor die blik van ‘n voorbarige vryer, draai dit kop weg agter die volgende wolk in.”
Sy sluit soos volg af: “My Lente kan vir altyd aanhou. Solank ek my blomme van geluk self plant. En die beste Tuinier van alle tye aanstel om ‘n ogie te hou!” Gansbaai Courant wens graag vir Carine geluk met haar tweede Woes Toekenning vanjaar.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
