Die Reik na Herstel Vrywilligers, Annaleen Genade en Andriette Bruwer, asook “Survivors” van Borskanker was oorweldig deur die goeie opkoms by die Borskanker Bewusmakings-pretstap, ten spyte van die reën wat hulle met hulle terugkeer onverwags betrap het, veral met die prysuitdelings.
Die Pretstap was vanaf Franskraalstrand se parkeerarea tot verby Blousloep en terug.
“Ondanks die reën het alle deelnemers die pretstap terdeë geniet en vele het versoek dat dit ‘n jaarlikse instelling moet word,” vertel Annaleen. Sy sê etlike “Survivors” van Borskanker het met soveel dankbaarheid gestap om, na vele jare van 2 jaar tot selfs 33 jaar, voluit met hul lewens te kon voortgaan - “hulle is voorwaar ‘n inspirasie vir ander!” Sowat 71 deelnemers (mans & vrouens) het aan die pretstap deelgeneem.
“Ons is opreg dankbaar vir elkeen se deelname en/of bydrae, aangesien dit ons in staat stel om ons dienste gratis aan Borskankerpasiënte te bied,” sê Annaleen. Die Reik na Herstel / Reach for Recovery is reeds in 1952 deur Terese Lasser in die VSA begin. Sy was met borskanker gediagnoseer en het ‘n mastektomie ondergaan, maar het daarna besluit om weer ‘n vol lewe te lei.
In 1967 het sy Suid-Afrika besoek, waarna Reik na Herstel in Suid-Afrika begin is. “Ons bedank graag die volgende persone/donateurs (alfabeties): Eerstens aan almal wat gehelp en deelgeneem het (julle het bewys julle gee om) en dan spesiaal aan: Aqua Angel Mineral Water (botteltjies water), Corra’s Klerewinkel (geskenkbewys), Gansbaai Book Exchange (geskenkbewys), La Vie De Luc Mineral Water, Franschhoek (botteltjies water), Gansbaai Courant (beriggewing en foto’s), Lisel Joubert (opening), OK Value Franskraal (geskenkbewyse), Paarl Reik na Herstel (30 “Goody bags”), Protea Flora Bloemiste (bos blomme), Wes-Kaap Reik na Herstel (pienk strikkies en pamflette) en Wimpy Gansbaai (geskenkbewys).”
Annaleen en Andriette sien daarna uit om al die deelnemers volgende jaar weer te sien en dat enige voorstelle of aanbevelings welkom is. Annaleen Genade kan by 072-523-0650 gekontak word, of stuur ‘n epos aan haar by annaleen.genade@gmail.com.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
