Die sakeman en gemeenskapsleier, Johan Swart en sy vrou, Delene (regs), het na 43½ jaar sy sakebelang in die 3 vulstasies; Gansbaai Motors, Birkenhead- en Central Garage verkoop.
Johan se pa , Willie, het in 1939 Gansbaai Motors oorgeneem en die ou Jobway Garage, vandag se Birkenhead Garage, in 1970 bekom. Die Central Garage is 30 jaar gelede deur sy seun, Johan, by hul vulstasie-groep gevoeg.
Johan, wat ‘n boorling van Gansbaai is, was ‘n leerling van Gansbaai Middelbare skool (tans Laerskool Gansbaai) en het in 1963 by Paarl Gimnasium gematrikuleer. Delene is ‘n Wellingtoner en het haar skoolloopbaan by Hoërskool Hugenote voltooi. Die egpaar het 2 dogters, Anèlle en Anja. Anèlle en haar elektrotegniese ingenieursman, Pieter Coetzee, en hul 2 kinders, Karo (7) en Liam (4) woon in Parys, Frankryk. Anja en Willie Olivier bly in die Kaap waar Willie ‘n brandweerhoof is. Hulle het 2 kinders, William John (4) en Hannah (2). Johan se broer, Wilhelm, is 'n rekenmeester in Bredasdorp en sy suster, Annemarie du Plessis van Eversdal het ook aandele in die vulstasies gehad.
Johan se pa , Willie, het diep spore in die gemeenskap getrap. Hy het ‘n algemene handelaarswinkel bedryf en die sentrale, poskantoor en polisiestasie was ook in sy gebou in Kerkstraat gehuisves. Willie was ook die stigterslid van Gansbaai Koöp Vissery Bpk, sowel as Gansbaai Marine waar hy tot sy aftrede voorsitter van die Direksie was. Hy was ook vir bykans 33 jaar Gansbaai se burgemeester.
Johan het in sy pa se voetspore gevolg en vanaf 1980/2002 op die Munisipale Raad gedien waarvan 2 jaar as burgemeester. Tydens sy burgemeesterskap is die Kraaiboschdam gebou.
Hy is ook die afgelope 40 jaar op die direksie van die Koöperasie en Marine waarvan die laaste 15 jaar as voorsitter.
Hy is ook die eienaar van die pelagiese trawler, Kolgans. As gemeenskapsmens was hy ook op die beheerrade van Hoërskool Overberg, Hermanus en Laerskool Gansbaai. Verder het hy ook vir baie jare as ouderling in die NGK gedien en op sosiale vlak is hy ‘n gholfer. As leier het Delene ook haar gewig by die gemeenskap ingegooi by die VLV, Vrouediens, sekretaresse en as fondskoördineerder van KANSA. Na 20 jaar as koördineerder het sy egter besluit om KANSA te los en die geld eerder hier plaaslik te gebruik. Só het die Gansbaai Pasiënte Bystandfonds tot stand gekom om hulp aan pasiënte te verleen. Die realisering van haar droom was Gansbaai Nasorgsentrum by Herberg-aan See. Delene en Deon du Toit was ook die stigters van die jaarlikse Fynbosuitstalling. Delene is ook ‘n ywerige kwilter.
Johan en Delene gaan steeds hier woon en volgens Johan sien hy baie uit daarna om “rustig te raak en in vrede te leef”. Hulle is albei baie lief vir die natuurlewe en sien uit daarna om binnelands en buitelands te toer. Hy sal egter steeds op Gansbaai Marine se direksie dien en Kolgans bly sy vlagskip. “Gansbaai was goed vir ons, ons gaan hom nie los nie.”
Francois de Jongh
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
