Pryswenners tydens HaS se Sokkiejol, met voor vlnr Linda en Deon Kloppers, Johan Hanekom en Bertie Bertus. Middel is Rona van Schalkwyk, Suster Linda Meyer, Erica Punt, Ina Wessels, Athol Rankin en Alice Bredenkamp (organiseerder). Agter is Bev Swart en Johan Wiese.
Dis nou nie Herberg-aan-See (HaS) se inwoners wat onlangs tot baie, baie laatnag ge-Sokkiejol het nie - indien dit wel die geval sou gewees het, kan HaS se subsidies dalk gekanselleer word! Nee, die gesellige Sokkiejol was ‘n goedbedoelde fondsinsamelingsprojek deur Gansbaai Goue Hande. Alice Bredenkamp en ‘n span helpers het gesorg vir ‘n baie suksesvolle en gesellige Saterdagaandfunksie in die Birkenhead Boothengelklub se gewilde saal.
“Ek is tevrede met die opkoms, maar ons vertrou dat dit elke jaar nog beter ondersteun sal word aangesien die fondse vir ‘n goeie doel gaan,” het Alice gesê. Gaste moes hul eie “piekniekmandjies” vir die aand bring, maar die bootklub se vriendelike kroegman was wel tot hulle diens, asook Raymond Rabe van die klub wat sy gewilde Musiekfabriek gratis vir hulle bedryf het. ‘n Aangename en gesellige atmosfeer het onder die Sokkiejollers geheers en almal is dit eens dat dit by ‘n jaarlikse instelling moet bly. Etlike pryse is deur gelukkige kaartjiehouers gewen. Iemand wat die “kollig gesteel” het, was Suster Linda Meyer van HaS. Alice het stil-stil bekendgemaak dat sy die volgende dag, 20 Oktober verjaar. Toe dié aankondiging gemaak word, was daar geen keer nie. Sy is toegesing en toegejuig en het boonop ‘n verjaardaggeskenkie ontvang.
Verlede jaar se Sokkiejol ten bate van HaS was eweneens ‘n groot sukses en, te oordeel aan die verskeidenheid van opmerkings, moet dit beslis as ‘n jaarlikse instelling voortgaan, met hopelik veel meer ondersteuning in die toekoms.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
