Hierdie aksie is so bietjie die verlede in maar word geplaas om die lus so bietjie aan te wakker.
Iets wat baie gemoedere gaan opsweep is die feit dat daar reëls toegepas gaan word wat die boot se horisontale vlottasie (level floatation) betref. Êrens in hierdie uitgawe brei mnr. Koos de Kock hieroor uit. Blykbaar is dit lankal van toepassing, maar daar gaan nou streng na gekyk word. Die groot probleem is dat die motors ekstra vlottasie benodig en dit moet nou gedoen word. Dit sal van boot tot boot verskil maar rofweg beteken dit dat ‘n Yamaha buiteboordmasjien van 40 pk. ongeveer 40 kg weeg. Twee van hulle behoort so 80 kg saam te weeg. 1 Kg. gewig sal elk ‘n ekstra 1 liter vlottasie benodig. Gebruik jy 2-liter-bottels sal jy vir die 2 motors 40 van hierdie bottels moet gebruik. Hierdie kan bo-op die dek aangebring word, maar moet met panele bestendig word. Daar kan ook van spons gebruik gemaak word, maar dan sal dit so bietjie anders werk.
Lees asb. Koos se artikel hieroor. Hy kan ook gekontak word by 082 6901835. Hy het die naam van mnr. Gert du Plessis verskaf (tel. 028 3845024), wat volgens hom al baie met die vlottasie te doene gehad het en die kundige op hierdie gebied is. Enige van hierdie twee menere sal nadere en meer besonderhede oor hierdie aangeleentheid kan verskaf. Voordat jy besluit om hierdie taak self af te handel wil ek aanbeveel dat jy eers een van hierdie manne kontak. Die jaarlikse ondersoek (surveying) van die boot (6 meter en onder) is opgeskuif vanaf R350 na R365 en bote oor 6 meter vanaf R550 na R580. Ook nie goeie nuus nie, nè.
Die weer is ook maar deurmekruis maar daar is lig in die tonnel! Die somer móét mos binnekort gesig wys en met die regte winde sal die vooruitsigte ook verbeter. Die kabeljou wag, dis ongelukkig so dat die kleintjies op die oomblik baie lastig is.
Die see bly steeds ‘n pluspunt.
Oppas vir ‘n haai, wanneer hy aan die lyn is! Probeer veral om te verhoed dat enige liggaamsdeel in die lyn verstrengel raak. Ek is baie bewus hiervan en tog het my vinger in ‘n kinkel beland en gevolglik is die haai amper vort met die voorste lid. Na meer as ‘n week is die blou en eina vinger getuie hiervan. Versigtig!
Groete, Seemeeu
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
