Cornelia Cloete
‘n Verwoede brand in sterk windtoestande het angsbevange huisbewoners in Blompark na enige moontlike waterpyp en emmer laat gryp om te verhoed dat minstens 5 wooneenhede, wat teenaan mekaar staan, afbrand. Die brand het in ‘n hok agter Cornelia Cloete van Dahliastraat 60 ontstaan. Dit het in totaliteit uitgebrand, asook Emily Fourie se karavaan wat langs die hok gestaan het. Niemand is in die brand beseer nie. ‘n Geskokte Cornelia, wat nie tuis was ten tye van die brand nie, het gesê ernstige skade is ook aan haar huis, wat direk langs die hok en karavaan staan, berokken. Die agterplaas is in ‘n chaos van as, sinkplate en ander verbrande materiaal gedompel. Cornelia was onlangs in Gansbaai Courant toe sy as 2de Prinses tydens ‘n Miss Senior Gansbaai aangewys is.
Emily Fourie
Emily woon al sowat 7 jaar by Cornelia in haar karavaan en sê behalwe vir die karavaan, haar besittings en haar kleinkind se klere, is al haar dokumentasie soos ID-boekie en begrafnispolisse ook daarmee heen. Cornelia se buurvrou, Lisie Fortuin, vertel dat sy die brand geruik het en toe sy uitstorm, was alles in vlamme gehul. Haar eie woning het ook aan die buitekant begin brand en skade is aan die vensters en buitemure aangerig. Die karavaan en wendyhuis op haar erf het ook begin brand, maar is betyds geblus. Die wendyhuis se vensters is wel vernietig, asook twee van haar karavaan se vensters. Terwyl daar op die brandweer gewag is, het die eienaars en omstanders met tuinslange en emmers die res van die eiendomme probeer nat hou. Lisie se dogter, Sameulna Fortuin, vertel dat haar vriend, Na-zian se duiwehok met sowat 15 van sy vliegduiwe ook in die slag gebly het. “Ons het die hok probeer oopmaak om die duiwe te red, maar die vlamme was te erg en al die duiwe het verbrand,” vertel Lisie. “Die duiwe was Na-zian se trots en hy het groot planne met hulle gehad.” Onduidelikheid bestaan oor die ontstaan van die brand, maar die moontlikheid van toerusting wat nie afgeskakel was nie, óf ‘n kortsluiting, is geopper.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
