‘n Gewyde geheelbeeld van die kore en gemeente
Vanjaar se Kersangdiens van die NG-gemeente op Sondag, 24 Oktober 2013 was weer eens ‘n “wenner” - goed georganiseerd, meelewend, luisterryk en gewyd. Met die instap by die kerkgebou het die asems behoorlik gesnak oor die pragtige versierings wat op ‘n sinvolle wyse aangebring is en wat met die eerste oogopslag die gewydheid van die aand beklemtoon het. ‘n Vlot program is sonder onderbrekings gevolg, met dr Bobo van Zyl wat die afwisselende voorlesings behartig het. “’n Kind is vir ons gebore; ‘n Seun is aan ons gegee; en die heerskappy is op Sy skouer, en Hy word genoem: Wonderbaar; Raadsman; Sterke God; Ewige Vader; Vredevors…” Die voorlesings is met ‘n verskeidenheid van koor- en gemeentesang afgewissel. Die deelnemende kore was die NGK Kerk- en Mannekoor onder leiding van Aletta Lochner en orrel-begeleiding deur Annalene Reinke, die VGK Kerkkoor onder leiding van Nita Faber met haar eie klavier-begeleiding, die VGK Mannekoor onder leiding van Aletta Lochner (sonder begeleiding) en die Laerskool Kinderkoor onder leiding van Aletta Lochner en begeleiding deur Heidie Chivell. Die solis in die NG-koor, Matt Human, het homself as ‘n belowende jongman met ‘n “enorme” stem bewys. Jack White met sy bekende trompet het verdere luister aan die sangdiens verleen, asook Dirk Buchner en sy kitaar wat deel van die kinderkoor se begeleiding was.
Die brandende kerse wat in gekleurde houers deur koorlede vasgehou is, was weer eens die hoogtepunt van die aand. Die volgende bedankings is voorgehou: Prediker - dr Bobo van Zyl; Begeleiers - Annelene Reinke, Heidie Chivell, Pikkie Louw, Jack White en Dirk Buchner; Koorleiers - Aletta Lochner (NGK-koor) en Nita Faber (VGK-koor); Kore - NGK-koor, VGK-koor, Laerskool Gansbaai-koor en VGK Mannekoor; Solis - Matt Human; Ander - Marlene Koekemoer (organisering van kinders by die skool), Anita Botha en Amanda le Roux met hul helpers (versiering van die Kerk), Wilna Swanevelder en Maritha Kriel (Kerkkantoor), Marius le Roux (Koster), Maureen Voigt (dataprojektor) en die NGK Vrouediens (tee en verversings in die saal).
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
