Pilla en Rita Groenewald word “vir oulaas” in hul huis, Vergenoeg in Hoofstraat afgeneem voordat hulle eersdaags na Perlemoenbaai verhuis
Pilla (91) en Rita (77) Groenewald het besluit dis nou “vergenoeg” en hulle verhuis eersdaags vanuit hul woning, Vergenoeg in Hoofstraat, na Perlemoenbaai. Nou het “Vergenoeg” letterlik vergenoeg geraak, maar ‘n Tehuis vir Bejaardes is nog lank nie hulle volgende tuiste nie. “Ons beweegrede vir die verhuising gaan hoofsaaklik om Rita se gesondheid,” sê Pilla. “Die huis, en veral die tuin, het te groot begin raak en vir haar gesondheid is dit beter dat ons na gemakliker omstandighede verhuis.” Rita vertel dat sy baie lief is vir tuinmaak, maar dat Vergenoeg se tuin vir haar te groot geraak het.
“Ek is baie lief vir tuinmaak, maar terwille van my gesondheid en my dokter se aanbeveling moet ek my tuinliefde maar onderdruk,” sê sy. Sy vertel dat sy self sowat 50 jaar gelede die planne vir Vergenoeg geteken het van hoe sy die huis wou hê en daarom is die verhuising vir haar des te meer moeilik. Vir Pilla beteken dit nie “gaan stilsit” en niks doen nie. Daarvoor loop hierdie man se vissersbloed te dik in sy are. Hy het reeds op 14-jarige ouderdom op sy pa se boot, Otto-Lena begin visvang en ook gedurende 1939 met die bou van die hawe-mure gehelp. Eers was dit haaie-vang op die Vaalgans, daarna skipper van Wilde Gans, skipper van Blougans en direksie-lid van die Koöperasie. Daarna die bote Steenbras en Steenbokkie, met ‘n groter boot, Gelderland gevolg en ná die oprigting van Gansbaai Marine fabriek was dit Berggans en daarna Bosbok.
Eers in ±1989 “klim hy” van Bosbok af en sy seun, Johan neem oor as skipper, met sy kleinseun, Benito as stuurman. Steeds is daar van stilsit op 91-jarige ouderdom geen sprake nie, ook nie nou ná hulle verhuising nie. Hy benut steeds sy bestuursvernuf in die vissersbedryf en woon relevante vergaderings by.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
