Darem lekker om met so ‘n kabeljou te kan spog. Eduard Loubser bly egter tjoepstil oor wie die eienaar van die vis is.
Die foto hiermee is net vir die lekkerkry. Die kêrel is ook ‘n besoeker aan ons kus en kon die versoeking nie weerstaan om met die mooi kabeljou te spog wat nog vars uit die water is nie. Hierdie kabeljou is sommer hier naby ons gevang en hoewel hy nie self hierdie bielie ingebring het nie was hierdie knewel vir hom meer aanvaarbaar as sy eie vangs vir die foto. En jy kan mos ook probeer.
Die kabeljouseisoen is reeds ordentlik ingewei en hierdie tyd van die jaar weet omtrent almal mos is dít die vis waarvoor jy moet probeer. Met die nodige toewyding, bietjie moeite, die regte aas, so bietjie kophou wat kundigheid betref en natuurlik, met die oog op die weer, kan jy met redelike sekerheid jou kabeljou gaan haal. Gaan loer bietjie hoe lyk dit na die agtermiddag se kant by Haaiklip met die amperbootjies wat die see kol-kol vul. Van die Klip self is dit die manne met die lang stokke wat bankvas sit en hulle geluk probeer. Moet egter nie ‘n fout maak nie. Kabeljou is nie die enigste vis nie en Haaiklip nie die enigste plek nie. Verderaan is daar die Gruis en Holbaai kan nie misgekyk word nie. Na Pearly Beach se kant toe (en op pad soontoe) is daar ook plekke wat altyd belowend is. En Die Damme moet jy eenvoudig probeer indien hengel jou erns is. Daar is nog vis soos steenbras en mosselkraker en nog baie kleiner visspesies wat heelwat genot verskaf. Ook ander kleiner hengelplekkies waar jy rustig kan sit en hengel met vroulief en kinders wat die kus verken. Wat kan meer sielsvreugde verskaf om stok in die hand (of, indien jy nog rustiger wil wees), so langs die stok te sit, of lê, en die wêreld te bekyk. Veral as die son so wil-wil sak is daar mos niks wat jy meer kan begeer nie. Moet net nie vergeet om jou stok se punt dop te hou nie, as daai ou grote hom vat, is dit nag!
Die bootvangery is ‘n ander opsie. Indien jy nie jou eie boot het nie, kan jy wel planne maak om saam met iemand anders te “crew”. (Die Engels klink hier “lekkerder”). Probeer egter iemand kry met bietjie ervaring agter die rug. Dalk is daar ‘n geelbek of geelstert wat hulle tussen die kabeljou tuis maak.
Geniet die tydjie. Seemeeu
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
