Gansbaai se honde-celeb, Pluto, is vakansie-gereed. Donkerbril op, veiligheidsgordel vasgegordel en nou moet sy eienaar, Leon Odendaal van Perlemoenbaai wikkel - daar is nog baie om te besigtig.
“Dit mag moeilik klink om te glo, maar Pluto dra ‘n getoetste donkerbril op voorskrif van sy veearts, aangesien die wind nadelig vir sy oë kan wees,” vertel Leon. Hy sê hy het heelwat op internet gesoek en wel afgekom op artikels dat honde se oë ook getoets kan word, en toe koop hy vir Pluto sy getoetste donkerbril. Pluto is van Blompark afkomstig waar Pieter Prins se wit herdershond aan 8 kleintjies geboorte geskenk het. Hy was hoogsbenoud, maar Leon het van die petalje gehoor en aangebied om die kleintjies teen R50 elk te verkoop. Hy het 6 verkoop en twee vir homself gekoop - Pluto en Rambo. Pieter het spontaan aangebied dat die geld wat ontvang is, aan BARC oorbetaal moet word vir die goeie werk wat hulle doen. Intussen het Pluto se status in die Duinebesie tot groot hoogtes gestyg en lyk hy behoorlik soos ‘n vakasieganger in Gansbaai.
Hardus Botha
Gansbaai Courant provides the Gansbaai community with the latest in news and interesting stories about and around the area.
View Profile
What is Xplorio?
Xplorio is your local connection allowing you to find anything and everything about a town.
Read More