“Ek wil mense graag waarsku - waar TIK gebruik word, is die gevolge daarvan nie speletjies nie,” het ‘n geskokte en bewoë Jacoba Europa van Dahliastraat 17, Blompark, voormalige Bestuurder: Silwerjare Dienssentrum en Oak Grove Nasorgsentrum gesê.
Jacoba se huis het op Sondag, 6 April erg onder ‘n verwoede jongman, vermoedelik onder die invloed van TIK en alkohol, deurgeloop. Sowat 20 vensters, 2 groot glasdeure, kaste en houtdeure is deur hom met ‘n byl verwoes. Die huis is letterlik in chaos gedompel met groot skade wat aangerig is.
Jacoba Europa in een van die vertrekke waar die deur, vensters en selfs kaste met ‘n byl bygekom is
“Die hartseerste van dit alles is dat dit ‘n seun is wat ek vanaf ouderdom 3 jaar grootgemaak het en hy het die skade op sy 29ste verjaardag aangerig.” Jacoba vertel dat hy geruime tyd gelede die huis verlaat het, maar het Desember verlede jaar teruggekeer. Hy het aan haar gesê dat sy lewe verkeerd geloop het, maar dat hy gerehabiliteer wil word en of sy hom weer sal inneem. “Ek het hom jammer gekry en gesê hy kan maar terugkom, wetende dat hy steeds TIK gebruik,” sê sy. Hy het vir sy verjaardag na ‘n partytjie daar naby gegaan en sy het by haar skoonsuster gaan kuier. “My buurvrou het geskakel en gesê ek moet dringend terugkom, daar is groot moeilikheid in my huis en ek het gevra hulle moet solank die polisie skakel.” Die buurvrou het weer geskakel en haar gewaarsku om nie terug te kom nie, aangesien die man haar ook met die byl wil kap. “Almal was bang vir die byl, maar van die ander seuns daar het hom met klippe begin gooi en hy het in die straat afgehardloop,” sê Jacoba. “My hartseer is groot. Ek het 4 seuns en ‘n dogter in my huis grootgemaak en wat nou gebeur het, is vir my ‘n baie groot skok,” vertel Jacoba. “My smeking aan my medemense is net om TIK met hand en tand te beveg, want die gevolge van die gebruik daarvan is baie erg.” ‘n Klag is by Gansbaai SAPD gelê, wat bevestig het dat hulle op soek is na Llwellyn Daniels (29) vir ondervraging na aanleiding van die gebeure. Die ondersoekbeampte is Sp-Sers Leon Crafford en enige persoon met inligting kan hom by 028-384-0201 skakel.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
