Riaan Jacobs, bekend as Overstrandse Hoof: Brandweerdienste en Rampbestuur, het besluit om op 31 Oktober vanjaar die tuig (brandslang?) ná 40 jaar neer te lê.
Overstrand Munisipaliteit het tydens die Oktober-Raadsvergadering amptelik van Riaan afskeid geneem. Sy lang loopbaan strek oor 'n tydperk van meer as 30 jaar in diens van Overstrand Munisipaliteit, plus 'n verdere 10 jaar van diens by die Caledon Afdelingsraad / Overberg Streekdiensteraad. Overstrandse burgemeester, rdl Nicolette Botha-Guthrie het hom geloof vir sy rol om die munisipale brandweer tot een van die voorstes in die Wes-Kaap uit te bou. Hy was die eerste amptenaar om heeltyds in dié pos aangestel te word en by sy uittrede het die diens bestaan uit 13 permanente personeellede en 70 reserviste, asook nege groot pompe (brandweerwaens) en etlike kleiner bakkie-eenhede. Sy het ook gesê sy is dankbaar dat hy kan getuig dat sy vele jare by die munisipaliteit gelukkige jare was.
Vlnr is Coenie Groenewald (Munisipale Bestuurder), Riaan Jacobs en rdl Nicolette Botha-Guthrie (Overstrandse burgemeester)
Riaan is op 21 Mei 1956 in Pinelands, Kaapstad gebore. Ná skool verwerf hy die Nasionale Diploma: Openbare Gesondheid in 1970 aan die Kaapse Tegnikon, met 'n hele reeks kursus-sertifikate vir bestuursvaardighede, personeel en administrasie, rampbestuur, brandvoorkoming, noodhulp en vele ander daarna. Op 25 April 1987 tree hy met Dorethea, tans die welbekende Suster-in-Bevel van Gansbaai Kliniek, in die huwelik. Twee dogters, altwee bekendes in die omgewing, is uit die huwelik gebore: Hanrie (23) en Berna (21). Die gesin het hulle gedurende 1993 permanent in Gansbaai kom vestig. Riaan se belangstelling in brandbestryding het reeds tydens sy opleidingsjare in die Suid-Afrikaanse Vloot gedurende 1974/75 begin, waar hy in navigasie en brandbestryding opleiding ontvang het. In 1976 aanvaar hy diens by die Kaapstadse Munisipaliteit, waarna hy tot en met 1982 verskeie poste in Boubeheer, Omgewingsgesondheid en Wetstoepassing beklee. Vanaf 1982 tot 1992 werk Riaan by die Caledon Afdelingsraad / Overberg Streekdiensteraad, waar hy vinnig tot Senior Omgewingsgesondheidsbeampte vorder en ook as vrywillige brandweerbeampte diens doen. Daarmee saam aanvaar hy verantwoordelikhede soos Bestuurder: Vullisverwydering en Stortingsterreine en Projekbestuurder vir bouwerk in vakansie-oorde en publieke geriewe. Op 1 Januarie 1993 word hy na Gansbaai Muni-sipaliteit / Overstrand Munisipaliteit oorgeplaas. Hier loop sy beroepspaadjie soos volg: Senior Omgewingsgesond-heidsbeampte; sedert 1994 Hoof: Gesondheid; sedert 1998 Hoof: Gemeenskapsdienste, wat afdelings soos Gesondheids-dienste, Brandweer, Rampbestuur, Behuising, Sanitasie, Openbare Geriewe en Geboue, Natuurbewaring en Begraaf-plase ingesluit het. In 2002 word hy as Overstrand se Hoof: Brandweerdienste en Rampbestuur, aangestel.
Enige afgetredene wat in goeie gesondheid verkeer, beplan iets om homself mee besig te hou. "In my geval gaan ek op my geliefkoosde stokperdjies, fotografie en houtwerk, fokus," sê Riaan. "Maar sedert my aftrede het ek soveel werk by die huis, ek verlang klaar terug werk toe!" Hy is lankal reeds 'n gewilde (en bekwame!) klublid van Gansbaai Fotografieklub waar hy op sy stil manier gereelde positiewe en relevante bydraes lewer. Riaan word alle sterkte met sy aftredingsjare toegewens.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
