Hoofbeampte vang stroper
Hoof Mariene Bewarings Inspekteur, Gilbert Mmereki het Saterdagoggend man alleen ‘n besending perlemoen onderskep en die koerier gearresteer.
Hoof inspekteur Gilbert Mmereki , voor derde van links, en snr. Inspekteurs: Alexander, Nkeleni, Busch & Papier met die verdagte stroper Viwani, staande agter.
“Ek het om 05h00 inligting ontvang dat ‘n vrag perlemoen by Masakhane in ‘n gryskleurige voertuig gelaai is en dat dit reeds vertrek het”, het Mmereki gesê. Volgens hom het hy geglo dat die voertuig die Uilkraalmond afdraai sou neem om langs die Salmonsdam grondpad aansluiting by Stanford Caledon teerpad te kry. Mmereki het toe via Stanford op die Salmonsdam grondpad gery. ‘n Bakkie het van vooraf gekom en hy het die voertuig voorgekeer. “Daar was twee mans van Masakhane in die bestuurskajuit wat gesê het hulle is oppad na ‘n kerkfunksie. Ek het toe verder gery en ‘n grys Nissan voertuig van vooraf sien aankom.” Mmereki het gedraai en die voertuig ingewag en gevolg. “Toe hulle my opmerk het hulle probeer om weg te jaag en is teen ‘n hoë spoed by die bakkie wat ek vroëer voorgekeer het, verby. Die bakkie het my probeer verhoed om verby te kom, maar ek het wel daarin geslaag. “’n Hoë spoed jaagtog het gevolg totdat die Nissan skielik gestop het en die bestuurder uitgespring en oor ‘n lyndraad geklouter en probeer weghardloop het. Ek het egter daarin geslaag om hom in te hardloop en terug na die voertuie te neem.” Volgens Mmereki het die bakkie wat hom probeer verhoed het om verby te steek toe teen ‘n hoë spoed by hulle verbygejaag. Hulp is ingeroep en beslag is gelê op 4216 perlemoen wat in die Nissan was. Die bestuurder, Mkhunzi Viwani (36) van Masakhane is gearresteer en die eienaarskap van die Nissan is teruggespoor na Sani 4x4 Car Hire in Springs, Gauteng.
Francois de Jongh
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
