'n Volgelaaide taxi met 16 insittendes plus die bestuurder, Katiso Falatsa, het op Woensdag, 12 Desember 2012 op die R43 op pad na Stanford eenmaal gerol en daarna die bosse ingebars.
Die ongelukstoneel op die R43. Foto: Sers Rhyno Gouws
Die linker agterband het by die laaste lang afdraend kort voor Stanford gebars. Aldus sers Rhyno Gouws van Stanford SAPD was die taxi gelisensieerd om 16 passasiers te vervoer en is die bestuurder in besit van 'n geldige openbare rybewys. "Dit blyk dat die linker agterband gebars het wat veroorsaak het dat die bestuurder beheer oor die voertuig verloor het," sê Sers Gouws.
"Daar is wel gerugte dat die taxi tydens die voorval teen 'n hoë spoed beweeg het, maar dit kan nie bevestig word nie, aangesien die nodige verklarings nog nie by die insittendes afgeneem is nie."
Opgestapelde onbetaalde boetekaartjies van verskeie vorige verkeersoortredings is bokant die sonskerm van die voertuig gevind.
Chaos is op die R43 veroorsaak terwyl verkeersmanne, ambulansdienste en die brandweer noodlenigingswerk by die ongelukstoneel toegepas het. Die R43 is egter kort daarna weer vir verkeer oopgestel. Niemand is dood nie, maar van die passasiers is erg beseer, met andere wat minder ernstige beserings opgedoen het.
Sers Gouws sê 'n saak van roekelose en/of nalatige bestuur word wel ondersoek. Indien daar enige persone is wat oor moontlike inligting rakende die aangeleentheid beskik, kan Konst Mpanda van Standford SAPD by 028-341-0601 geskakel word.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
