Ettienne Brown, Stefan de Ridder, Billy Brown en Kobus Truter.

‘n Berugte inbreker, Michael Engel (22), wat reeds drie keer tronk toe gestuur is vir huisbraak en diefstal het sy rieme lelik in De Kelders styfgeloop.

Hy het Sondagmiddag om 12:00, by ‘n huis wat deur vakansiegangers in Vyferstraat gehuur is, deur ‘n oop deur binnegegaan. Hy is deur die huurder gesien en het weggehardloop. Die huurder het agter Engel aangehardloop en geskree: “Dief, Dief”. Eben van der Merwe, Laerskool Gansbaai se skoohoof en sy vrou, Riva, het gesien wat gebeur en Eben het in sy motor gespring en die verdagte gevolg. Riva het die polisie gebel en daarna met haar dogter, Anke, na De Villiersstraat gehardloop. Daar het Ettienne Brown en sy seun, Billy Brown en stiefseun, Kobus Truter, asook ‘n vriend, Stefan de Ridder, mt ‘n bakkie veld in gery. Die jong kêrels het op verskillende plekke afgespring en Brown se vrou, Alanda, het buite hul huis op ‘n tuintafel gestaan en vir haar seun, Kobus, gewys waar die man vlug. Hy is kort daarna aangekeer. Die polisie het die verdagte by die manne oorgeneem en het vir hom gevra: “Jy was dan in die tronk vir diefstal, hoe het jy uitgekom?”

Francois de Jongh