Te oordeel aan gereelde beriggewing vanuit die geledere van die Overberg Houtwerk- en Houtdraaiers Assosiasie, is houtwerk pure genot en ontspanning vir hulle. 'n Gesellige jaarafsluiting is in die Birkenhead Boothengelklub se gewilde saal gehou. Hennie Prinsloo, 2012 se voorsitter van die Assosiasie, het sy voorsittersverslag van 'n bedrywige jaar gelewer.
Die groot groep Houtwerkers van die Overberg Houtwerk- en Houtdraaiers Assosiasie tydens hulle jaarafsluitingsfunksie, met voorsitter Hennie Prinsloo voor, tweede van regs
Voorsitter Hennie Prinsloo ontvang sy sertifikaat en trofee as Erelid, met vlnr Hannes Ludick, Ben de Lange en Hennie Prinsloo
Hennie het 'n beroep gedoen dat jonger mense wat in houtwerk belangstel, uitgenooi moet word om die byeenkomste by te woon. Hy het ook na die groep se welsynsprojek verwys waar speelgoed vir die Herberg-aan-See se basaar gemaak is. "My wens is dat meer sodanige projekte aangepak moet word," het hy gesê. Die hoogtepunt van die aand was die verering van Hennie as 'n Erelid met 'n sertifikaat en 'n gepaste trofee. Hannes Ludick het die trofee uit hout gemaak en ook die oorhandiging waargeneem. "Nog 'n nuwigheid was die oorhandiging van 'Foefie' sertifikate aan lede wat fratsbeserings gedurende die jaar opgedoen het," vertel Ben de Lange. Hy sê ook dat lootjies om handgemaakte items mee te wen, ook uitgereik is. Die opbrengs daarvan sal aangewend word vir die aankoop van materiaal om items vir welsyns-projekte te maak. Ná die afhandeling van die formaliteite, is daar gesellig saamgekuier. Die groep se volgende byeenkoms sal weer op 7 Februarie 2013 by Progress Design in die Gansbaai Nywerheidsgebied plaasvind. Belangstellendes, óók dames, kan vir Hennie Prinsloo by 083-414-7962 of Ben de Lange by 028-384-1963 skakel.
Hardus Botha
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
Gansbaai Courant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes.
